آي اؤزلو نیگاریم،کیمه مئهمان اولاجاقسان؟
بیرسؤیله ،کیمین شانینه شایان اولاجاقسان؟
شاهلیق چتیری وار باشین اوستونده بو آخشام
عنبر چتیرینله کیمه سولطان اولاجاقسان؟
شککر دئمرم من سنه،اوندان دا شیرین سن
دیلبر،نئجه بیر بختوره جان اولاجاقسان؟
ظولمت گئجه،سن نورلو چراغ،بد گؤزه گئلمه
ای آب –حیات،سن کیمه جانان اولاجاقسان؟
گئتدین،نئجه بس تاب ائله سین هیجره نیظامی
اوخسته ایکن،سن کیمه درمان اولاجاقسان؟
«نظامی گنجوی»